Ministrja Haxhiu sot takon Jakup Krasniqin dhe Nasim Haradinajn

photo facebook @albilena haxhiu

Bëhet e ditur se ministrja e Drejtësisë, Albulena Haxhiu, dje ka nisur vizitat në paraburgimin e Gjykatës Speciale në Hagë.

Gjatë ditës së djeshme Haxhiu ka takuar ish-komandantin e UÇK-së, Rexhep Selimi, ish-kryetarin e OVL-së së UÇK-së, Hysni Gucati, dhe ish-eprorin e UÇK-së, Pjetër Shala.

Ndërsa, këtë të enjte, ministrja Haxhiu do të ketë dy takime, njërin me ish-zëdhënësin e Ushtrisë Çlirimtare të Kosovës, Jakup Krasniqi dhe tjetrin me ish-nënkryetarin e OVL-së së UÇK-së, Nasim Haradinaj.

Haxhiu nuk do ta vizitojë ish-presidentin Hashim Thaçi dhe ish-kryeparlamentarin Kadri Veseli. Siç tha para se të nisej drejt qytetit holandez, ata nuk kanë pranuar të takohen me të.

Nga Gjykata Speciale nuk kanë dhanë informacione nëse Thaçi dhe Veseli refuzuan kërkesat për takim.