Lëshohen më shumë trena midis Zvicrës dhe Francës

Në aksin Gjenevë-Paris, tani ka tetë trena çdo ditë

Pas dy vitesh kufizime udhëtimi, trenat TGV Lyria, të operuar së bashku nga hekurudhat kombëtare zvicerane dhe franceze, po qarkullojnë me një frekuencë të shtuar duke filluar nga kjo javë, njofton albinfo.ch.

Në aksin Gjenevë-Paris, tani ka tetë dhe jo shtatë trena çdo ditë – një tren çdo dy orë midis orës 6 të mëngjesit dhe 20:00. Gjashtë trena për në Paris nga Lozana dhe Cyrihu qarkullojnë çdo ditë, nga pesë më parë.

Dhe nga 1 Prilli, biletat do të jenë më të lira – midis 31 dhe 52 franga për udhëtim, sipas Fabien Soulet, drejtor i TGV Lyria. /Albinfo.ch

---