Gjermani: Shtrenjtohen çmimet nga 20-50 përqind

Pak ditë pasi Gjermania raportoi inflacionin më të lartë në dekada, vendi përgatitet për një shtrenjtim të ri të jetesës.

Portali zerohedge.com, i specializuar për financa e biznes, paralajmëron një tjetër hap prapa nga hiperinflacioni i tmerrshëm.

Ai citon shoqatën gjermane të shitjeve me pakicë, HDE, të pohojë se konsumatorët duhet të bëhen gati për një valë të re rritjeje të çmimeve, që do të ndihet sidomos në zinxhirin e supermarketeve vendase, në mesin e frikës se çmimet e produkteve atje mund të shtohen nga 20 deri në 50%.

“Edhe përpara shpërthimit të luftës në Ukrainë, pati rritje të çmimeve me 5% në të gjithë gamën e produkteve për shkak të shtrenjtimit të energjisë. Tani po vjen vala e dytë, dhe padyshim do të jetë dyshifrore”, deklaroi presidenti i HDE, Josef  Sanktjohanser.

Sipas tij, zinxhirët e parë të shitjes me pakicë në vend e kanë nisur tashmë rritjen e çmimeve, dhe të tjerë mund të pasojnë. Mjaft blerës sakaq përballen dhe me një problem tjetër në vend: raftet e zbrazura nëpër markete.

Që prej pushtimit rus në Ukrainë, të përfshirë nga paniku konsumatorë anembanë vendit kanë vërshuar të blejnë shumë më tepër artikuj nga sa u nevojiten në përditshmërinë e tyre. Nuk i kuptoj njerëzit, tha pronarja e një dyqani, Beate Schwarz për programin Tagesschau; po blejnë si të çmendur miell dhe vaj për gatim, ndërsa shton se në një pikë të caktuar, u detyra të nxirrte një tabelë ku shkruhej: Vaj nuk ka më!

---