Mbi 18 mijë serb të Kosovës votuan në Serbi

Kryeministri Albin Kurti ngriti shqetësin për pasivizimin e adresave të shqiptarëve në Luginë të Preshevës

Mbi 18 mijë serb të Kosovës votuan p;ër zgjedhjet në Serbi. Këto të dhëna i bëri publikke kryeministri i Kosovës, Albin Kurti. Një ditë pas zgjedhjeve në Serbi, Kurti falënderoi Policinë e Kosovës për profesionalizëm dhe efikasitet. Ai po ashtu tha se edhe qytetarët serbë që kanë edhe shtetësi të Serbisë përveçse të Kosovës të cilët ishin të qetë teksa shkuan në katër komunat në Serbi për të votuar atje, përcjell Albinfo.ch.

“Gjithçka ishte paqësore. Kjo dëshmoi që Republika e Kosovës si shtet i pavarur dhe sovran garanton sigurinë e të gjithë qytetarëve të Republikës pa dallim. Zgjedhjet e Serbisë nuk u mbajtën në territorin e Republikës së Kosovës për shkak se nuk e kishim një marrëveshje paraprake siç e kemi kërkuar. Shqiptarëve në Preshevë, Medvegjë dhe Bujanoc iu është bërë një padrejtësi e madhe meqenëse rreth 6 mijë vetave atje u janë pasivizuar adresat duke i diskriminuar mbi baza kombëtare. Po ndodhë një lloj spastrimi etnik, administrativ e burokratik i heshtur e i ftohtë e megjithatë me pasoja shumë të rënda, dhe unë besoj që rezultati jo i kënaqshëm i këtyre zgjedhjeve për shqiptarët në Preshevë, Medvegjë e Bujanoc vjen edhe për shkak të këtij spastrimi të heshtur që po iu bëhet atyre atje me metoda joluftarake kësaj radhe por administrative e burokratike”, u shpreh Kurti për mediat në Kosovë.

 

---