Studiuesit e ETH Cyrih tani me studim të ri rreth llojit të peshkut

Përdorimi i ADN-së së mjedisit për të përcaktuar diversitetin e peshkut

Studiuesit në institutin federal të teknologjisë zvicerane ETH Cyrih kanë dalë me një teknikë për të përcaktuar shumëllojshmërinë e peshkut, njofton albinfo.ch.

Krijesat e detit lënë gjurmë të ADN-së në mjedisin e tyre, të cilat mund të nxirren nga mostrat e ujit të detit. Fragmentet e ADN-së mund të krahasohen më pas me sekuencat e njohura të ADN-së të specieve për të vlerësuar diversitetin në një gamë të veçantë.

“Falë metodës eDNA, mund të zbulohen shumë lloje dhe familje peshqish shumë më shpejt sesa vetëm me vëzhgime”, thotë Loïc Pellissier, profesor i ekosistemeve dhe evolucionit të peizazhit.

Studiuesit gjetën një normë 16% më të lartë të diversitetit të peshkut me këtë metodë sesa me vëzhgim të thjeshtë. /Albinfo.ch

 

---