Zviceranët duan lidhje të ngushta me NATO-n

Më shumë se gjysma e popullsisë së Zvicrës dëshiron lidhje më të ngushta me NATO-n, njofton albinfo.ch.

Referuar një sondazhi të ri me 20,000 njerëz nga Instituti Sotomo tregon se 56 për qind e të anketuarve mbështesin bashkëpunimin më të ngushtë me NATO-n, si dhe rritjen e shpenzimeve ushtarake.

Mbështetja më e gjerë për lidhjet e forcuara është për shkak të luftës në Ukrainë dhe kërcënimit eventual që Rusia mund të paraqesë për Evropën dhe sigurinë e Zvicrës.

Megjithatë, partneriteti më i fortë me NATO-n nuk do të thotë se zviceranët janë në favor të anëtarësimit në aleancë.

Në fakt, vetëm 33 për qind e të anketuarve janë pro anëtarësimit të plotë në NATO, ndërsa 62 për qind janë kundër.