Zvicra mund të lëshojë statusin S për ushtarët rusë që nuk duan të luftojnë në Ukrainë

Debati mbi statusin S për dezertorët e ushtrisë ruse fiton terren

Deri më tani statusi S u është dhënë vetëm refugjatëve ukrainas që ikin nga lufta në vendin e tyre, njofton albinfo.ch.

Megjithatë, një numër i deputetëve zviceranë dhe shoqatave tregtare i kanë kërkuar Këshillit Federal të zgjerojë këtë status të mbrojtjes speciale për ata që braktisin ushtrinë ruse për të shmangur luftën kundër Ukrainës.

Statusi duhet të përfshijë gjithashtu ata në Rusi që flasin publikisht kundër luftës dhe jeta e të cilëve është në rrezik, thonë mbështetësit e nismës.

“Nëse kjo bëhet, do t’i japë një shtysë të rëndësishme ndjenjave kundër luftës [në Rusi] dhe do t’i dërgojë një mesazh shumë të qartë Vladimir Putinit”, tha sindikalisti Paolo Gilardi për transmetuesin publik RTS. /Albinfo.ch

---