Zvicër: Certifikatat e rikuperimit të Covid përshtaten me rregullat e BE-së

©Armend Berisha

Këshilli Federal vendosi të mërkurën që certifikatat e rikuperimit të Covid mund të lëshohen në bazë të një testi të shpejtë pozitiv të antigjenit ose një analize imunologjike të bazuar në laborator. Për shkak të rregullave të reja në BE, këto certifikata do të njihen ndërkombëtarisht, njofton albinfo.ch.

Ato, në fakt, u lëshuan në mënyrë retroaktive për rezultate pozitive të testit nga 2 tetori 2021.

“Certifikata të tilla tashmë janë lëshuar në Zvicër midis 24 janarit dhe 16 shkurtit 2022”, tha Këshilli Federal.

Megjithatë, “për shkak se nuk ekzistonin rregulla të ngjashme në nivel të BE-së në atë kohë, ato ishin të vlefshme vetëm në Zvicër. Certifikatat e lëshuara tashmë mbi këtë bazë duhet të aplikohen përsëri dhe të rilëshohen për përputhshmëri ndërkombëtare”.

Vendimi i ri do të hyjë në fuqi më 2 maj 2022. /Albinfo.ch