Britania alarmon për rritje çmimesh, më të lartat që nga 2011-a

Çmimet e mallrave me pakicë në Britaninë e Madhe u rritën 2,7% nga viti i kaluar duke shënuar normën më të lartë të inflacionit që nga shtatori 2011, sipas të dhënave.

Sipas indeksit të çmimeve, rritja e çmimeve të energjisë dhe konflikti në Ukrainë vazhdoi të ndikonte në çmimet e shitjes me pakicë në prill, pa shenja lehtësimi.

Sipas indeksit, inflacioni vjetor i çmimeve të dyqaneve u rrit në 2,7% në prill, nga 2,1% në mars, duke tejkaluar rritjen mesatare 12 dhe 6-mujore prej 0,4% dhe 1%.

Çmimet globale të ushqimeve arritën nivele rekord, duke u rritur me 13% vetëm nga muaji i kaluar.

Rritja më e madhe regjistrohet te vajrat e gatimit dhe drithërat.

Produktet joushqimore, veçanërisht mobiliet, pajisjet elektro-shtëpiake dhe librat, patën normën më të lartë të inflacionit që nga thyerja e rekordit në 2006-ën, duke u përshpejtuar në 2,2% në prill nga 1,5% në mars, përkeqësuar nga ndërprerja e portit më të madh detar në botë, pas bllokadës së fundit të Shangait kundër Covid-19.

---