Gjermania, gati për sanksionet ruse

Gjermania është gati për sanksionet ruse në sektorin energjetik të shpallura dje nga Kremlini, sipas ministrit gjerman të Ekonomisë, Robert Habeck.

Sipas Habeck, kjo masë është një kundërpërgjigje e vendimit të Rusisë për të vendosur sanksione ndaj ”Gazprom Germany” dhe ish-filialeve të ”Gazprom” dhe subjekteve të lidhura me gjigantin shtetëror të gazit.
“Ne jemi përgatitur për situatën”, i tha Habeck Bundestagut, Dhomës së Ulët të Parlamentit gjerman, transmeton Dpa, përcjell Albinfo.ch.

”Tregu do të sigurojë burime alternative të energjisë për të plotësuar çdo mungesë të shkaktuar nga furnizimet e reduktuara të gazit nga Rusia”, tha Habeck, duke shtuar se zgjerimi i burimeve të rinovueshme është tani një parakusht për sigurinë e ardhshme të Gjermanisë.

Berlini zyrtar deklaroi se ishte ende duke konsideruar se si sanksionet do të ndikonin në furnizimet me gaz.

”Gazprom” mbetet furnizuesi më i madh i gazit në Gjermani.

”Gazprom Germany” u vendos nën kontrollin e shtetit gjerman në fillim të prillit.

---