“TA Service GmbH”, lider në tregun zviceran tash e 15 vite

“TA Service GmbH”, në 15-vjetorit të themelimit shpalos sukseset dhe planet e saj

Kohëve të fundit në Zvicër, kemi një rritje të numrit të ndërmarrësve shqiptarë, të cilët, falë cilësisë dhe përkushtimit në punë, po hapin me sukses rrugën e tyre të biznesit.

Ndër këto biznese  është edhe Gjon Frroki dhe Bekim Rexhaj me firmën “TA Service GmbH”. Ata janë një histori suksesi prej afaristësh në Zvicër me firmën e tyre “TA Service GmbH”, tash e pesëmbëdhjete vite.

“TA Service GmbH”, e themeluar në vitin 2007 në Wohlen të Zvicrës, me një përvojën shumë vjeçare të pronareve të saj, e bënë atë të jetë njëra nga kompanitë më profesionale në Zvicrën qendrore, në lëmin e dyerve automatike për garazhe dhe dyer industriale.

Të shtunën kompania “TA Service GmbH”, me rastin e 15-vjetorit të themelimit ka organizuar “Ditë me dyer të hapura”, ku ishin të pranishëm ndërmarrës të shumtë shqiptaro-zviceranë ndërsa Gjoni dhe Bekimi kanë prezantuar ofertat më të reja të dyerve automatike për garazhe dhe dyer industriale.

Nënkryetari i Rrjetit të Bizneseve, Rexhep Berisha, ka vizituar kompaninë TA Service GmbH, ku është pritur nga pronarët, Gjon Frroki dhe Bekim Rexhaj.

Berisha ka përgëzuar pronarët dhe menaxhmentin për punën dhe sukseset, derisa theksoi se partneriteti dhe sinqeriteti në çdo kompani është çelësi i suksesit.

“Menaxhimi i suksesshëm kompanisë nga dy partnerë tregon se është i mundur partneriteti dhe se duhet të jetë  model edhe për kompani dhe firma tjera. ”, tha Berisha.

Fakti i të qenit konkurrues në tregun Zviceran i dedikohet punës profesionale dhe të sinqertë të ekipit që drejtohet nga dy shokët e suksesshëm.

Simbol identifikues i “TA Service GmbH”, është padyshim bashkëpunimi dhe sinqeriteti i punës së tyre.

Një reportazh me të gjerë nga ky përvjetor i kompanisë së Gjon Frroki dhe Bekim Rexhaj do të keni mundësi ta lexoni në numrin e radhë të magazinës Albinfo.ch.

---