Kosti Deti, fitues i medaljes së argjendtë në garën ndërkombëtare të pianos në “Milano Arturo Benedetti Michelangeli”

Bëhet e ditur se në garën pianistike që u mbajt në Milano të Italisë, pianisti shqiptar, Kosti Deti, triumfoi me performancën e tij, duke “rrëmbyer” edhe medaljen e argjentë, shkruan albinfo.ch.

“I lumtur të jem fitues i Medaljes së Argjendtë në garën ndërkombëtare të pianos në Milano Arturo Benedetti Michelangeli! Mezi presim të kthehemi në Italinë bukuroshe për projektet e mëtejshme shumë shpejt”, shprehet Deti.

Kosti po komentohet si një instrumentist i talentuar në piano. 2021-shi ishte pa dyshim viti i sukseseve për të, duke “rrëmbyer” plot 10 çmime të rëndësishme në këtë fushë.

Rrjedh nga një familje artistësh, që në moshën 4-vjeçare Kosti nisi të luajë me piano, duke e dëshmuar se këtë talent e kishte me të lindur, për të qenë sot një artist i skenës që e zotëron me shumë profesionalizëm. /Albinfo.ch