Shqiptari i vë zjarrin qelisë në burgun e Zug-ut

Bëhet fjalë për një 34-vjeçar shqiptar, siç bënë të ditur të premten organet e rendit të Kantonit të Zugut

Një i burgosur i JVA Bostadel në Menzingen të Kantonit ZG ka tentuar t`i vejë zjarrin qelisë së tij. Kjo ka rezultuar në një shpërthim të fuqishëm të tymit, transmeton albinfo.ch. Për pasojë, i burgosuri është dërguar në spital me dyshimin se ka thithur shumë tym.

Siç është konstatuar më vonë, i burgosuri kishte tentuar t’i vinte zjarrin qelisë së tij në katin e parë të bodrumit pak para orës 13:45 të ditës së djeshme (e premte). Bëhet fjalë për një 34-vjeçar shqiptar, siç bënë të ditur të premten organet e rendit të Kantonit të Zugut.

Shërbimi i shpëtimit dhe policia e Zugut janë mobilizuar në vendin e ngjarjes me disa automjete dhe rreth 40 persona, shkruan luzernerzeitung.ch. Shërbimet e emergjencës kanë arritur të shuajnë shpejt zjarrin.

Për shkak të tymit të dendur, pas punimeve të fikjes u desh të evakuoheshin disa pavijone qelish.

Gjithsej 17 punonjës të JVA Bostadel, zjarrfikës dhe 14 të burgosur të tjerë janë ekzaminuan për dëmtime shëndetësore nga shërbimi i shpëtimit në Zug, përcjell albinfo.ch. Të gjithë personat e kontrolluar kanë rezultuar të padëmtuar. Tani janë duke u hetuar rrethanat dhe shkaqet e sakta të zjarrit.

---