Kosova alarmohet nga kriza ushqimore dhe energjetike

unsplash

Situata e fundit me krizën në Ukrainë dhe alarmi se bota po shkon drejt një krize të ushqimit ka shqetësuar edhe autoritetet në Kosovë.

Preaidentja Vjosa Osmani ka folur për nevojën që kjo situatë të gjejë zgjidhje.

“Ky vit na gjenë në një situatë ndryshe në kontinentin tonë, si pasojë e luftës në Ukrainë, kontinenti ynë e jo vetëm po përballet me pikëpyetje të shumta. Në një situatë ku kemi nevojë për zgjidhje të shpejta për të mos kompromentuar sigurinë e furnizimit me energji, përballemi paralelisht edhe me obligimin për t’u siguruar që zgjidhjet tona të sotme nuk i rrezikojnë ambiciet tona për dekarbonizim në të ardhmen. E vetmja mënyrë se si mund t’ia dalim me sukses është përmes bashkëpunimit, bashkërendimit dhe komunikimit të rregullt e të koordinuar”, tha ajo, transmeton Albinfo.ch.

Këto komente, Osmani i bëri në edicionin e pestë i Javës së Zhvillimit të Qëndrueshëm (KSDW) 2022, e cila mbetet ngjarja më e madhe për zhvillim të qëndrueshëm në Kosovë dhe në rajon. Tema e sivjetme e KSDW do të jetë agjenda e gjelbër për Ballkanin Perëndimor.

E para e vendit theksoi se Kosova ka më shumë nevojë për energji të gjelbër dhe se ka nevojë për investime në eficiencë të energjisë dhe ruajtjen e mjedisit.