Austri, pakënaqësi të shumta lidhur me takimin Michael Ludwig dhe Tajip Erdogan

Kritika për kryebashkiakun e Vjenës pas takimit me presidentin turk Erdogan

Të Gjelbrit në Vjenë kanë shprehur kritika që kur kryetari i Bashkisë së Vjenës, Michael Ludwig, u takua me Presidentin turk, Tajip Erdogan, në Stamboll, për të folur për luftën në Ukrainë, efektet e pandemisë në turizëm dhe marrëdhëniet midis Austrisë dhe Turqisë, njofton albinfo.at.

Politikania e gjelbër, Judith Pühringer, shkroi në Twitter se vizita ishte një “fyerje e plotë për të gjithë ata që vuajnë dhe janë të persekutuar nën hakmarrjet e tij [Erdoğan].

Megjithatë, kryebashkiaku Ludwig shkroi në Twitter se “përpjekjet turke për paqen në Ukrainë janë të rëndësishme”.

Në muajt e fundit, Austria dhe Turqia kanë bërë përpjekje për të përmirësuar marrëdhëniet. Një takim mes kancelarit Karl Nehammer (ÖVP) dhe Erdogan në margjinat e samitit të NATO-s në Madrid është planifikuar për në fund të qershorit, shkruan gazeta Der Standard.

Nehammer e ka telefonuar Erdoganin disa herë gjatë javëve të fundit për ta informuar mbi bisedimet e tij me shefin e Kremlinit, Vladimir Putin.

 

---