Dyfishohet numri i emigrantëve që kalojnë përmes Ballkanit në Evropë

Emigrantët që përdorën rrugët e Ballkanit Perëndimor për të shkuar drejt vendeve të BE-së, janë sirianë dhe afganë.

Nga Ballkani Perëndimor kaluan 40,675 emigrantë të paligjshëm dhe kjo shifër është rreth tri herë më shumë krahasuar me të njëjtën periudhë të një viti më parë.

Shumica e emigrantëve të kapur kishin qenë në Ballkanin Perëndimor për disa kohë përpara se të kërkonin të hynin në BE.
Në maj, numri i emigrantëve të paligjshëm të zbuluar në këtë rajon rajon u dyfishua në 12,088, sipas Frontex.
Në zonën e Mesdheut Qendror u kapën 16,828 emigrantë të paligjshëm, kryesisht egjiptianë, bangladeshas dhe tunizianë.
Ndërsa, në pjesën e Mesdheut Lindor, 13,668 ishte numri i emigrantëve të paligjshëm që u kapën, kryesisht me kombësi nga Nigeria, Siria dhe Kongo.

---