Hapësira ajrore zvicerane është e mbyllur deri në një njoftim të dytë

Albinfo.ch

Aeroportet e Cyrihut dhe Gjenevës janë në bllokim – hapësira ajrore zvicerane është e mbyllur deri në një njoftim të dytë, shkruan albinfo.ch.

Trafiku ajror në gjithë Zvicrën është aktualisht në ndalesë. Arsyeja janë problemet e IT në kontrollin e trafikut ajror Skyguide.

Ndërprerja pritet të zgjasë të paktën disa orë.

Ndërkohë që aeroporti i Gjenevës ka shkruar në faqen e tij se ndërprerja duhet të zgjasë deri në orën 11:00.

Sipas kontrollit zviceran të trafikut ajror, hapësira ajrore zvicerane u mbyll për arsye sigurie.

Skyguide shpreh keqardhje për incidentin dhe pasojat për klientët, partnerët dhe pasagjerët. Kompania është duke punuar për një zgjidhje. /Albinfo.ch