Austri: Termocentrali do të shndërrohet për të punuar me qymyr

Austria do të konvertojë termocentralin e saj që të funksionojë me qymyr në vend të gazit natyror

Austria do të konvertojë termocentralin e saj Mellach në Styria që të funksionojë me qymyr, në vend të gazit natyror në rast emergjence, njofton albinfo.at.

Rusia ka dhënë vetëm gjysmën e gazit të premtuar ditët e fundit. Në funksion të mungesës së mundshme të afërt të gazit në Austri, kancelari Karl Nehammer (ÖVP) mblodhi kabinetin e vogël qeveritar të krizës të dielën në mbrëmje. Si rezultat, grupi energjetik Verbund ra dakord të konvertonte centralin për të punuar me qymyr.

Do të duhen disa muaj që të prokurohet qymyri dhe të përfundojë përshtatja e termocentralit. Gazeta Krone raporton se objektet e magazinimit në Austri janë plot 40 për qind, sipas ministres së Mbrojtjes së Klimës, Leonore Gewessler (të Gjelbërit).

 

---