Vjena, qyteti më i mirë në botë për të jetuar

Zyrtarisht Vjena rifitoi vendin e parë në renditjen e qyteteve më të jetueshme në botë

Kryeqyteti austriak është bërë sërish qyteti më i jetueshëm në botë në renditjen sipas raportit vjetor të grupit Economist, raporton albinfo.at.

Zyrtarisht Vjena rifitoi vendin e parë në renditjen e qyteteve më të jetueshme në botë nga Auckland, i cili kishte rënë në vendin e 34-të për shkak të kufizimeve të pandemisë Covid-19, sipas një raporti të publikuar më 23 qershor nga Economist.

Njësia e Inteligjencës (EIU), një biznes që ofron shërbime parashikimi përmes kërkimeve dhe analizave, i përket grupit Economist.

“Vjena, e cila ra në vendin e 12-të në renditjen tonë në fillim të vitit 2021 me muzetë dhe restorantet e mbyllura, ka rifituar vendin e parë që qyteti e kishte arritur dikur në 2018 dhe 2019”, raporton tutje albinfo.at.

“Gjendja e qëndrueshme, infrastruktura e mirë, është tërheqja kryesore e qytetit për banorët, të cilët mbështeten nga politika e mirë shëndetësore dhe mundësitë e shumta për të shijuar kulturën dhe argëtimin”.

 

---