Lajçaku sot mbyll vizitën në Kosovë

Përfaqësuesi i Posaçëm i Bashkimi Evropian për dialogun Kosovë – Serbi dhe çështje të tjera rajonale të Ballkanit Perëndimor, Miroslav Lajçak, sot do të mbyllë vizitën e tij treditore në Kosovë.

Mëngjesin e sotëm është paraparë të mbahet një konferencë për media në prag të largimit të tij.

Gjatë qëndrimit në Prishtinë, Lajçak ka takuar kryeministrin Albin Kurti si dhe liderët e partive opozitare parlamentare në selitë e tyre respektive.

Megjithatë, para se të lërë përfundimisht Kosovën, Lajçak do të ndalet edhe në pjesën veriore të vendit.

Zyra e Bashkimit Evropian, por edhe ajo e Lajçak-ut, janë rezervuar për të treguar agjendën e vizitës atje.

Në qendër të vizitës së tij ishte pa dyshim dialogu, por edhe çështja e mbi 1600 personave të pagjetur nga lufta e fundit.

Për këtë të fundit, pati një vizitë në muzeun e fëmijëve të vrarë dhe të zhdukur në luftë, një takim në Qendrën Burimore për Persona të Zhdukur si dhe mori pjesë në shfaqjen e një filmi që tregon historitë e personave të pagjetur.