Gati gjysma e familjeve zvicerane, në borxhe

Leasing-u i makinave renditet i pari në llojet e borxhit, i ndjekur nga detyrimet e prapambetura dhe hipotekat

Pothuajse gjysma e familjeve në Zvicër ishin me borxhe në vitin 2020. Në 7% të rasteve kishte tre ose më shumë lloje të ndryshme borxhi, sipas të dhënave nga Enti Federal i Statistikave (FSO), shkruajnë mediat zvicerane, përcjell albinfo.ch.

Podiumi i borxheve

15.5% e familjeve kishin të paktën një makinë me qira mbi supet e tyre, kategoria në vendin e parë midis llojeve të borxhit, e ndjekur nga detyrimet e prapambetura (14.9%) dhe hipotekat (12.1%). Në total, 42.9% ishin me borxhe.

Pagesat e prapambetura

Një në gjashtë familje, në vitin 2020, i paguante me vonesë faturat. Zonat më të prekura ishin taksat dhe primet e sigurimeve shëndetësore.

Identifikimi i personit borxhli

Nga analiza rezulton se sa më e madhe të jetë mosha e personit, aq më pak kontraktohen borxhe. Edhe më të arsimuarit kanë më pak borxhe. Problemi, nga ana tjetër, prek më shpesh familjet me fëmijë, veçanërisht ato me një prind.

---