Kurti: Të pikëlluar nga vrasja e ish-kryeministrit Abe, ishte mik i Kosovës

"Abe ishte mik i Kosovës"

Kryeministri i Kosovës, Albin Kurti, është shprehur i pikëlluar dhe i shokuar nga vrasja e ish-kryeministrit japonez, Shinzo Abe.

Kuri ka shprehur ngushëllime për vdekjen e ish-kryeministrit të Japonisë.

Tutje, Kurti ka thënë se Abe ishte lider i shquar i Japonisë dhe mik i mrekullueshëm i Kosovës.

“Jemi të pikëlluar dhe të shokuar nga vrasja e ish-kryeministrit Shinzo Abe. Kryeministri Abe ishte një lider i shquar i Japonisë dhe mik i mrekullueshëm i Kosovës. Qeveria e Republikës së Kosovës dhe populli ynë po luten për familjen e kryeministrit Abe, miqtë e tij dhe popullin e Japonisë”, ka shkruar Kurti në Twitter.

Ish-kryeministri i Japonisë, Shinzo Abe, vdiq pasi u sulmua me armë zjarri në një ngjarje në qytetin Nara. Abe, 67 vjeç, po mbante një fjalim për zgjedhjet, kur u qëllua me dy plumba. Sulmuesi i dyshuar u arrestua në vendin e ngjarjes.

We’re saddened & shocked by the murder of former Prime Minister Shinzo Abe. PM Abe was an outstanding leader of Japan & wonderful friend to Kosova. The Government of the Republic of Kosova & our people are praying for PM Abe's family, his friends, & the people of Japan. pic.twitter.com/jdkc1NVta3

— Albin Kurti (@albinkurti) July 8, 2022

 

---