Kosto e jetesës: Prishtina më e lirë në raport me Tiranën, Shkupin dhe Beogradin

Caffe Door74 Prishtine

Duke qenë se Beogradi dhe Tirana janë dy kryeqytetet më të shtrenjta në rajon, sipas indeksit të mesvitit të Numbeo, database më e madhe e kostove të jetesës, Prishtina del të jetë më e lirë, përcjell albinfo.ch.

Referuar statistikave, Beogradi ka një indeks prej 38.8 % dhe Tirana 38.37%. Ky indeks mat koston e jetesës në raport me qytetin e Nju-Jorkut, që e ka këtë tregues 100%.

Më e lira në rajon është Prishtina e Kosovës, me indeksin në vlerën 26.3% e kostos së jetesës, e ndjekur nga Shkupi (32.94%), Podgorica në Mal të Zi (34.52%), Sarajeva në Bosnjë e Hercegovinë (35.34).

Thuhet se indeksi i kostos së jetesës (pa qiranë) është një tregues relativ i çmimeve të mallrave të konsumit, duke përfshirë produktet ushqimore, restorantet, transportin dhe shërbimet komunale. Indeksi i kostos së jetesës nuk përfshin shpenzimet e akomodimit si qiraja ose hipoteka. Nëse një qytet ka një Indeks të Kostos së Jetesës prej 120, kjo do të thotë se Numbeo ka vlerësuar se ai është 20% më i shtrenjtë se Nju-Jorku (duke përjashtuar qiranë), shkruan monitor.

Numbeo mat dhe indeksin e qirasë, një vlerësim i çmimeve të apartamenteve me qira në qytet, pastaj indeksin e restoranteve, që sërish është një krahasim i çmimeve të vakteve dhe pijeve në restorante dhe bare, blerjet në supermarket etj.