Franca jep sinjale pozitive për liberalizimin e vizave për Kosovën

Në pritjen zyrtare për festën Kombëtare Franceze në Prishtinë, diplomatja franceze Marie-Christine Butel dha sinjale pozitive për liberalizimin e vizave për Kosovën.

Sipas saj, Kosova ka bërë përparim të dukshëm në këtë çështje, megjithëse nuk iu dha drita e gjelbër nën presidencën franceze, transmeton Albinfo.ch.

“Për Kosovën është bërë përparim i dukshëm në çështjen e liberalizimit të vizave. Në të vërtetë, diskutimet që u zhvilluan nën presidencën franceze, gjatë takimit të Këshillit Evropian të 23 qershorit kanë vënë themelet për shtyrjen përpara të kësaj teme, gjithmonë duke marrë parasysh shqetësimet tona sa i përket migracionit dhe sigurisë. Në fakt çështja e liberalizimit të vizave është rikthyer qartë në tryezën e diskutimeve evropiane, në kushte më të favorshme se asnjëherë më parë. Është gjithashtu rezultat i punës së bërë nga Kosova për të qenë më proaktive në skenën ndërkombëtare”, tha ajo.