Cyrihu ofron 500 CHF për person për të inkurajuar refugjatët ukrainas të kthehen

Refugjatëve ukrainas në kantonin e Cyrihut u janë ofruar 500 CHF për t'u kthyer në shtëpi, si pjesë e programit të ndihmës për kthimin e Zvicrës.

Dhjetëra-mijëra ukrainas kanë mbërritur në Zvicër që nga pushtimi i Rusisë në shkurt 2022, transmeton albinfo.ch.

Cyrihu, kantoni më i populluar i Zvicrës, ka qenë një destinacion popullor për shumë njerëz që ikin nga konflikti në atdheun e tyre.

Autoritetet thanë se po u ofronin ndihmë financiare për t’u kthyer në Ukrainë, nëse dëshirojnë ta bëjnë këtë.

Shumë anëtarë të familjes mund të marrin një pagesë, me një maksimum prej 2000 CHF të ofruara për familje.

Paratë janë ofruar në kuadër të “programit të ndihmës për kthimin” të Zvicrës, një skemë federale “që synon të lehtësojë kthimin vullnetar të migrantëve në vendin e tyre të origjinës dhe riintegrimin e tyre”.

Përveç parave, Zvicra ofron këshillim dhe ndihmë mjekësore për refugjatët që dëshirojnë të kthehen.

Në përgjithësi, kushdo që dëshiron të përfitojë nga programi, ka të drejtë për një maksimum prej 1000 CHF, megjithëse qeveria zvicerane punon me kantonet për të vendosur koston ndryshe për secilin vend.

 

 

---