Gjermania, nën ‘ankth’ për gazin

Ndërprerja e tubacionit më të madh të vetëm që transportonte gazin rus në Gjermani filloi më 11 korrik dhe pritet të përfundojë të enjten.

Një njoftim rus për rrjedhjet e gazit përmes gazsjellësit ”Nord Stream 1”, pas përfundimit të punëve rutinë të mirëmbajtjes mund të vijë që sot, sipas një zëdhënësi të kompanisë së transportit të gazit ”Gascade”.

Zyrtarët e qeverisë dhe të biznesit kanë shprehur frikën se dërgesat nuk do të rifillojnë për shkak të një përplasjeje me Moskën për luftën në Ukrainë.

Presidenti rus, Vladimir Putin, theksoi se dërgesat e gazit përmes gazsjellësit ”Nord Stream 1” mund të bien nga 60 në 33 milionë metra kub në ditë nëse një turbinë e riparuar nuk dorëzohet shpejt, transmeton Dpa, përcjell Albinfo.ch.

Një lëvizje e tillë do të thotë që gazsjellësi po funksionon me rreth një të pestën e kapacitetit të tij total.

Kritikët kanë hedhur poshtë vazhdimisht pretendimet e Kremlinit se vonesa në kthimin e turbinës ishte në rrënjë të nevojës për të reduktuar më tej furnizimet me gaz rus në Gjermani, ekonominë më të madhe të Evropës.

 

---