Sektori i turizmit në Zvicër është përmirësuar ndjeshëm nga kriza COVID-19

(KEYSTONE/Laurent Gillieron)

Sektori i turizmit në Zvicër ka shënuar rritje të dukshme që nga periudha e heqjes së kufizimeve Covid-19.

Sipas Tiffany Duc, Menaxhere i PR dhe Media, Montreux-Vevey Tourism, ndërkohë që turizmi global po përjetonte një situatë të vështirë të provokuar nga koronavirusi, Zvicra nuk ishte përjashtim; megjithatë, sipas saj, sektori i turizmit tani është kthyer në rrugën e duhur pas lehtësimit të kufizimeve nga një numër i madh vendesh në mbarë botën, transmeton albinfo.ch

“Zvicra po pranon një pjesë të madhe të vizitorëve nga rajoni i GCC dhe Shtetet e Bashkuara të Amerikës në epokën pas Covid-it,” vuri në dukje ajo në këtë drejtim.

Ajo shtoi se qarku po harton strategji shtesë për të sjellë në vend një numër më të madh turistësh nga rajoni i Lindjes së Mesme, me fokusin kryesor në vendet e Gjirit.

“Turizmi zviceran po merr pjesë në të gjitha ngjarjet e mëdha të lidhura me turizmin në rajonin e GCC dhe po shfaq produktet tona më të fundit në botë. Për më tepër, përfaqësuesit tanë për tregun GCC janë në koordinim të vazhdueshëm me operatorët turistikë vendas dhe organet turistike për të hartuar strategji të reja dhe për të përshpejtuar ardhjen e turistëve në destinacionet tona”, shtoi ajo në këtë drejtim.

Përveç kësaj, ajo theksoi se Këshilli i Bashkëpunimit të Gjirit (GCC) është një treg i rëndësishëm për Zvicrën, duke shtuar se GCC janë shpenzues të mëdhenj dhe qëndrojnë për një periudhë më të gjatë në vend. Ajo theksoi se Zvicra në muajt e ardhshëm pret një hyrje të madhe nga ky treg, transmeton tutje albinfo.ch