Zvicër, Ministria e Shëndetësisë ndryshon strategjinë e lisë së majmunëve

Që kur rasti i parë u zbulua në Zvicër në maj, Zyra Federale e Shëndetit Publik (BAG) ka insistuar se rreziku i kësaj sëmundje infektive – që prek kryesisht meshkujt homoseksualë – që përhapet në popullatën e përgjithshme ishte i ulët, përcjell albinfo.ch.

Megjithatë, duke qenë se numri i personave që kanë rezultuar pozitivë në Zvicër tani i kalon 200, BAG e ndryshoi rrezikun në “të moderuar”, duke mos përjashtuar “një zhvillim të epidemisë që prek grupet e tjera të popullsisë”.

Duke filluar nga nesër, lija e majmunëve do të konsiderohet një sëmundje “e njoftueshme”, që do të thotë se “laboratorëve u kërkohet t’i komunikojnë rezultatet BAG brenda dy orëve”, duke lejuar autoritetet shëndetësore të gjurmojnë më mirë evolucionin dhe transmetimin e sëmundjes. /Albinfo.ch.