207 milionë euro shkëmbim mallrash mes Kosovës dhe Maqedonisë së Veriut

Ani pse produktet e Kosovës tash e sa kohë kanë nisur të plasohen në tregjet rajonale dhe ato evropiane, Kosova vazhdon të importojë më shumë sesa që eksporton, përcjell albinfo.ch.

Me Maqedoninë e Veriut, vetëm për 6 muajt e parë të këtij viti janë realizuar 207 milionë euro shkëmbime tregtare. Por edhe me këtë vend, Kosova më shumë importoi sesa që eksportoi.

Kosova është partner i rëndësishëm tregtar për Maqedoninë e Veriut dhe vlerësohet si një ndër vendet me këmbimin më të madh tregtar për vendin tonë fqinj.

Drejtori ekzekutiv i Odës Ekonomike të Maqedonisë Veriperëndimore, Drilon Iseni, në një deklaratë dhënë për RTK-në, tha se në gjysmën e parë të këtij viti 207 milionë euro është këmbimi tregtar mes këtyre dy vendeve.

Iseni vlerëson se Maqedonia e Veriut eksporton më shumë në Kosovë se sa po importon.

Infrastruktura rrugore e rregulluar së fundmi ka ndikuar edhe më shumë në shkëmbime tregrtare, gjë që, sipas Isenit, e ka bërë më të qasshëm tregun e Maqedonise se Veriut. Sipas tij, ndërtim autostrades Shkup- Bllace dhe ndërtimi i terminali doganor në Jazhincë do ta lehtesonte edhe më shumë lëvizjen e lirë të mallrave.