I kapen 8 kilogramë heroinë dhe kokainë – Arrestohet shqiptari

Sipas një vlerësimi fillestar, vlera e mallit të sekuestruar pritet të jetë disa qindra mijëra franga. 24-vjeçari shqiptar është arrestuar

Disa ditë më parë, policia kantonale e Solothurnit ka sekuestruar disa kilogramë lëndë narkotike në një apartament në Zuchwil. Një person i dyshuar është arrestuar, transmeton albinfo.ch. Aktualisht ai ndodhet në paraburgim.

Të mërkurën, më 20 korrik 2022, një patrullë nga Policia Kantonale e Solothurnit në Zuchwil ka kontrolluar një burrë që kishte kishte rënë në sy që më par, shkruan soaktuell.ch. Për shkak se ai nuk kishte mundur të identifikohej, qe dërguar në komisariat për kontroll më të afërt.

Sqarimet dhe hetimet e mëtejshme çuan në një kontroll të shtëpisë ku banonte ai, që z realizua me kërkesë të zyrës së prokurorit publik në kantonin Solothurn, ppërcjell albinfo.ch. Aty janë gjetur dhe sekuestruar mbi 7 kilogramë heroinë dhe rreth 1 kilogram kokainë.

Sipas një vlerësimi fillestar, vlera e mallit të sekuestruar pritet të jetë disa qindra mijëra franga. 24-vjeçari shqiptar është arrestuar për hetime të mëtejshme dhe ndodhet në paraburgim.

(Foto: Kapo Solothurn)

---