Rusia ia ndalon tërësisht gazin një vendi evropian

Për shkak të shkeljes së kushteve për tërheqjen e gazit.

Gjiganti rus i energjisë ”Gazprom” ndërpreu furnizimin me gaz për vendin baltik të BE-së, Letoninë.

Kompania shtetërore nuk dha detaje për shkeljet.

Rusia kohët e fundit ka pezulluar dërgesat e gazit në disa vende të BE-së, përfshirë Poloninë dhe Bullgarinë, sepse ato kishin refuzuar të paguanin në rubla.

Presidenti rus, Vladimir Putin, e kishte prezantuar këtë rregullore të re si reagim ndaj sanksioneve të BE-së kundër Rusisë.

Pagesat deri atëherë bëheshin zakonisht në euro ose dollarë.

Qeveria në Letoni kishte deklaruar së fundmi se dëshironte të ndalonte plotësisht importin e gazit rus nga janari i vitit 2023.

Kjo shihet si një reagim ndaj luftës ruse kundër Ukrainës.

Vitin e kaluar, Letonia ende bleu rreth 90% të gazit të saj nga Rusia./dpa

 

---