Shtyhet për datë të pacaktuar Festivali i Birrës në Kosovë

Mbase shumë bashkatdhetarë që po qëndrojnë për pushime në Kosovë, kanë pritur që ta shijojnë festivalin tradicional të birrës në Kosovë. Sikur që presin edhe adhuruesit e birrës në Kosovë.

Mbase shumë bashkatdhetarë që po qëndrojnë për pushime në Kosovë, kanë pritur që ta shijojnë festivalin tradicional të birrës në Kosovë. Sikur që presin edhe adhuruesit e birrës në Kosovë.

Por, këtë nuk mund ta bëjnë në datat e paracaktuara.

Këtë vit festivali tradicional i birrës dhe verë “Beer and Wine Festival”, ishte planifikuar të mbahej nga data 12 deri me 14 gusht, raporton Albinfo.ch.

Pas ndryshimit të lokacionit, ky festival mbrëmë njoftoi se ka ndryshuar edhe datën e mbajtjes.

Përmes një postimi në Facebook faqja zyrtare e “Beer and Wine Festival”, kanë bërë të ditur se festivali është shtyrë për një datë tjetër të pacaktuar.

“Me vendim të Komunës së Prishtinës, festivali shtyhet për një datë tjetër”, thuhet në njoftim.

Ky është edicioni i dhjetë i këtij festivali dhe do të mbahet tek parkingu i pallatit të rinisë./Albinfo.ch

---