“T’i këndojmë Diasporës” mbledh bashkatdhetarët në Obiliq, sonte nata e dytë

Kryetari i Komunës, Xhafer Gashi, ka hapur këtë manifestim, duke falënderuar diasporën shqiptare për kontributin e tyre në çdo kohë dhënë për atdheun.

Mbrëmë në komunë e Obiliqit u mbajtë koncerti “T’i këndojmë Diasporës” nën patronatin e kryetarit Xhafer Gashi, dhe nën përkujdesjen e Drejtorisë për Kulturë, Rini dhe Sport.

Nën këngët e tingujt e bukur argëtues të artistëve të Komunës së Obiliqit duke krijuar një atmosferë brilante për nder të diasporës tonë shqiptare, shkruan në një postim Komuna e Obiliqit, raporton Albinfo.ch.

Kryetari i Komunës, Xhafer Gashi, ka hapur këtë manifestim, duke falënderuar diasporën shqiptare për kontributin e tyre në çdo kohë dhënë për atdheun.

“Kontributi i juaj është i pazavëndesueshëm, ndaj përmes këtyre mbrëmjeve festive që do të realizohen në dy net, ju jemi mirënjohës gjithmonë”, tha Gashi.

Mbrëmë performuan artistë të zhanreve të ndryshme, ndërsa koncerti do të vazhdojë edhe sonte nga ora 20.00./Albinfo.ch

---