Vala e të nxehtit afrikan, rikthen temperaturat e larta në Kosovë

Kthehen temperaturat e larta në Kosovë, deri në 36 gradë Celsius

Mot relativisht më stabil parashihet përgjatë javës në vijim. Të nxehtit nga Afrika sërish shtrihet mbi vend, derisa do të ketë më shumë kthjellime e diell.

Sipas parashikimeve të fundit, të nxehtit kulminon ditën e premte, deri në 36 gradë, e në fundjavë temperaturat zbresin më afër vlerave mesatare.

Indeksi i cilësisë së ajrit mbetet kryesisht në vlera të pranueshme dhe të mira. Orëve të pasdites nën kushte të motit me diell dhe më të nxehtë, rritje shënon ozoni sipërfaqësor që edhe çon indeksin në vlera mesatare.

Rreziku nga rrezet ultravjollce, në ditët e ardhshme do të jetë i lartë dhe shumë i lartë përgjatë motit kryesisht me diell, prandaj edhe preferohet që t’i shmangemi më shumë ekspozimit ndaj rrezeve të diellit orëve të mesditës. 

---