Lajmëroi 25 herë rrejshëm policinë, arestohet 14-vjeçari

Si provë materiale është sekuestruar një telefon mobil i cili është përdorur për paraqitjen e këtyre veprave.

Gjatë periudhës prej 8 janarit deri më 14 gusht një 14-vjeçar ka bërë 25 lajmërime të rrejshme përmes aplikacionit “Lajmëro Policinë”.

Policia ka njoft,uar se në stacionin policor në Rahovec janë paraqitur 25 lajmërime të rreme për aktivitete të ndryshme kundërligjore në një kafeteri në fshatin Hoçë e Vogël, komuna Rahovec, raporton Albinfo.ch.

Sipas njoftimit, sektori i Hetimeve në Stacionin Policor në Rahovec, në bashkëpunim me Prokurorin e Shtetit, për një kohë ka zhvilluar hetime për zbulimin e kryesit të kësaj vepre, duke përdorur teknika të ndryshme të hetimit dhe duke aplikuar masa të fshehta.

“Sektori i Hetimeve në Stacionin Policor në Rahovec në bashkëpunim me Prokurorin e Shtetit, për një kohë ka zhvilluar hetime për zbulimin e kryesit të kësaj vepre duke përdorur teknika të ndryshme të hetimit dhe duke aplikuar masa të fshehta. Me datë 15 gusht 2022 është arritur të identifikohet dhe të arrestohet një person i dyshuar (mashkull/shqiptar/kosovar, i moshës 14-vjeçare), i cili në prani të avokatit mbrojtës dhe punëtorit të Qendrës për Punë Sociale është intervistuar dhe në tërësi ka pranuar se ka bërë lajmërime të rreme”, thuhet në njoftimin e policisë.

Si provë materiale është sekuestruar një telefon mobil, i cili është përdorur për paraqitjen e këtyre veprave. I dyshuari pas intervistimit është liruar, ndërsa ndaj tij është iniciuar rast “Lajmërim apo kallëzim i rremë”./Albinfo.ch

---