Shoqata “Krimet e Luftës në Gjakovë” ka dorëzuar sot në Prokurorinë Speciale në Prishtinë kallëzim penal kundër ish-komandantit të Brigadës 549 të Motorizuar, aktualisht nënkryetar i Serbisë, Bozhidar Deliq.
Shkëndije Hoda, udhëheqëse e shoqatës, ka thënë me këtë rast se presin rezultate pozitive. Ajo ka thënë se janë tri kallëzime penale bashkëngjitur me disa dokumentacione faktike si një lloj ditari i operimit të Brigadës 49 të Motorizuar nën komandën e Bozhidar Deliq, raporton Albinfo.ch.
“Ne e dorëzuam, edhe pse procedurat këtu kanë ndryshuar, pak kemi qenë të pakënaqur, edhe pse prapë kemi marrë fjalë të mira”, ka thënë ajo.
Gjokë Sokoli, dëshmitar, njëherësh familjar i viktimave të luftës, tha se kanë sjellë me qindra dëshmi që dëshmojnë pjesëmarrjen e Deliqit në
krime lufte.
“Kemi dëshmi që e kanë njohur që ka marrë pjesë në masakrën e Mejës, Krushës e Gjakovës. Me qindra ka dëshmi dhe besoj se do të dalë para organeve të drejtësisë. Duhet edhe institucionet të apelojnë në tërë botën për këtë kriminel”, tha ai./Albinfo.ch