Mbi 100 mërgimtarë u mashtruan nga agjencitë e fluturimeve

Mbi 100 persona janë mashtruar me biletat e udhëtimit nga agjencitë në Kosovës. Në prangat e policisë deri tash kanë rënë tre persona, dy prej të cilëve bashkëpronar të një agjencioni e një menaxher, të cilët tashmë ndodhen në paraburgim

Në sezonën e verës mashtrime të mëdha u bëhen mërgimtarëve me biletat e udhëtimeve nga agjenci jo serioze.

Vetëm gjatë muajve të fundit mbi 100 bashkatdhetarë janë mashtruar. Kjo shifër u bë e ditur në një përgjigje nga Policia e Kosovës për Insajderin.

“Lidhur me interesimin tuaj, u njoftojmë se edhe këtë vit në periudhën kur rritet numri i ardhjes së bashkatdhetarëve, paraqiten edhe raste të mashtrimeve me avio-bileta”.

“Policia- DHKEK dhe Njësia për Hetime te Krimeve Kibernetike ne koordinim me prokurorin kanë zhvilluar një numër i aktiviteteve operativo-taktike dhe  hetimore. Deri më sot në lidhje janë paraqitur njëqind e tre persona (viktima-ankues)  dhe janë në paraburgim  dy të dyshuar”, thuhet në përgjigjen e policisë për Gazetën Insajderi.

Mirëpo policia nuk ka treguar se a u janë kompenzuar mërgimtarëve paratë e shpenzuara në bileta, nga këto agjencione.