Sekuestrohen 105 thika, shufra e boksa metalikë

Pas incidenteve të fundit që kanë ndodhur ku disa të mitur kanë përdorur armë tё ftohta, sprej dhe elektroshok dhe në shumicën e rasteve të dyshuarit kanë deklaruar se armët e përdoruara i kanë blerë në treg, Policia e Kosovës ka njoftuar se ka bërë një kontrollë në “çarshinë e gjatë” në Pejë

Policia ka bërë të ditur se nga shitësit ambulantë janё sekuestruar:

“Njёqind e pesё (105) mjete tё mprehta (thika) lloje tё ndryshme, tri (3) shufra metalike, njёmbёdhjetё (11) boksa metalikë, katёr (4) OC sprej dhe njё (1) elektroshok”.

Lidhur me rastin është arrestuar një i dyshuar, i cili pas intervistimit, me vendim tё prokurorit tё shtetit ёshtё liruar nё procedurё të rregullt./Albinfo.ch

---