Zjarret masive në Evropë djegin 700 mijë hektarë pyje

Kjo është një ndër verat më të vështira ndonjëherë, ka thënë Komisioni Evropian.

Evropa është përfshirë këtë verë nga zjarret masive, të cilat kanë djegur një sipërfaqe rekord pyjesh prej 700,000 hektarësh deri më tani. Kjo është sipërfaqja më e madhe ndonjëherë që nga fillimi i regjistrimeve.

Kjo është një ndër verat më të vështira ndonjëherë, ka thënë Komisioni Evropian, i cili ka bërë vlerësimin, duke thënë se dhe sipërfaqja pyjore e djegur është më e larta që nga viti 2006, përcjell Albinfo.ch.

“Deri më tani, Mekanizmi i Mbrojtjes Civile të BE-së është aktivizuar nëntë herë nga pesë vende. Ne do të vazhdojmë të monitorojmë situatën gjatë gjithë kohës përmes qendrës sonë të koordinimit të reagimit emergjent në Bruksel dhe të mobilizojmë ndihmën e nevojshme”, tha Janez Lenarcic, Komisioner Evropian për Ndihmën Humanitare dhe Menaxhimin e Krizave.

Zjarret që përfshinë Evropën dogjën edhe dhjetëra shtëpia dhe morën mijëra jetë njerëzish gjithashtu.

Ndërkohë që vatra aktive ka ende në Itali, Spanjë e Portugali.

Por Evropa nuk ishte e vetmja që përjetoi zjarret masive, edhe në shtete të ndryshme në SHBA u raportuan vatra zjarri masive, duke djegur mijëra hektarë sipërfaqe me bimësi.

Një zjarr tjetër masiv ka djegur edhe sipërfaqe të tëra pyjore në Moskë, ndërsa në Algjeri një zjarr që vazhdon të jetë aktiv nga dje u ka marrë jetën 38 personave./Albinfo.ch

---