Aksident i rëndë në autostradën “Ibrahim Rugova”, 1 i vdekur e 4 të lënduar

Raportohet se aksidenti ka qenë i rëndë, dhe makina ka përfunduar poshtë rrugës.

Një person ka vdekur dhe katër të tjerë janë lënduar rëndë në një vetaksident në autostradën “Ibrahim Rugova”.

Aksidenti ka ndodhur në kilometrin e 56-të të autostradës, në drejtimin Vermicë-Gjurgjicë. Sipas fotografive, shihet që aksidenti ka qenë i rëndë, dhe makina ka përfunduar poshtë rrugës, raporton Albinfo.ch.

“Sot, më 19.08.2022, rreth orës 13:30, në autostradë drejtimi Vërmicë-Gjurgjicë (kilometri i 56-të), ka ndodhur një aksident trafiku. Në aksident është përfshirë vetëm një veturë (vet-aksident). Si pasojë e aksidentit një person ka humbur jetën dhe katër të tjerë kanë pësuar lëndime. Policia dhe ekipe tjera kanë dalë në vend-ngjarje”, ka thënë zëdhënësi i Policisë së Kosovës, Bajram Krasniqi./Albinfo.ch/

---