Nga 12 shtatori dritat do të fiken në Pallatin Federal të Zvicrës

Arsyeja, kursimit të energjisë

Pallati Federal nuk do të ndriçohet më gjatë natës nga data 12 shtator, transmeton albinfo.ch.

Kështu kanë vendosur autoritetet zvicrane administrative të Parlamentit, për arsye të kursimit të energjisë.

Në një postim të sotëm në Twitter, delegacioni administrativ shton se do t’i përshtatë masat e kursimeve me ato që do të zbatohen brenda administratës federale për ngrohjen e dhomave, ku janë ulur deputetët dhe ambientet e tjera.

Kujtojmë se para tri ditësh Këshilli Federal prezantoi masa të ndryshme për të nxitur kursimin e energjisë, për të shmangur sa më shumë kufizimet, kuotat dhe ndalimet. /Albinfo.ch

 

---