Tragjedia në Kanada, asnjë bashkatdhetar i lënduar

Të dielën, 10 persona u vranë me thikë dhe 15 të lënduar në një nga aktet më të këqija të dhunës në historinë e fundit të Kanadasë.

Ambasada e Kosovës në Otavë, Kanada, ka informuar se bashkatdhetarët tanë që jetojnë atje janë mirë dhe në vende të sigurta, përcjell albinfo.ch.

Njoftimi i ambasadës ka ardhur pas tragjedisë së mbrëmshme në provincën qendrore Saskatchewan të Kanadasë, ku si pasojë e një sulmi me thikë kanë vdekur 10 persona dhe janë plagosur 15 të tjerë.

“Duke njoftuar se ne provincën e Saskatchewan jetojnë rreth 50 familje shqiptare, Ambasada e Republikës së Kosovës në Otava konfirmon se komunikimi me të njëjtët po zhvillohet normalisht, gjersa po përcillet tutje situata e sigurisë në rajonin e Regjinas”, ka njoftuar Ambasada e Republikës së Kosovës në Kanada, Otava.

Të dielën, 10 persona u vranë me thikë në një nga aktet më të këqija të dhunës në historinë e fundit të Kanadasë.

---