Zëvendësambasadorja e Zvicrës në Kosovë, Pauline Menthonexx-Gacaferi, mbajti fjalim në Samitin e BPO-së

Zvicra ka kënaqësinë të jetë pjesë e BPO Summit të parë të Kosovës organizuar nga Shoqata e Bizneseve Zvicër Kosovë (OEZK).

Ndërsa shërbimet në fakt përbëjnë më shumë se 20% të totalit të eksporteve të Kosovës në Zvicër, Zvicra tani është destinacioni i parë i shërbimeve të BPO dhe ICT që eksportohen nga Kosova, shkruan albinfo.ch.

Duke pranuar kontributin e rëndësishëm të sektorit të BPO-së në ekonominë e Kosovës (mbi 3% të PKB-së) dhe në tregun e punës (me afro 12’000 punonjës aktivë), Zvicra do të vazhdojë edhe më tej mbështetjen e zhvillimit të këtij sektori.

Zëvendësambasadorja e Zvicrës, Pauline Menthonexx – Gacaferi, në fjalën e saj në Samitin e BPO-së foli për rëndësinë e bashkëpunimit mes sektorit privat dhe qeverisë, duke theksuar se ICT dhe BPO aktualisht janë me prioritet të lartë dhe se pritet zhvillim i rëndësishëm në të ardhmen e afërt.

Ajo më tej përmendi rëndësinë e investimit te njerëzit që jo vetëm janë të përkushtuar, por edhe e kuptojnë ndikimin e punës dhe kontributit të tyre. /Albinfo.ch

---