Jahjaga, politikanja e vetme që u prit nga mbretëresha Elizabeth II

Bëhet e ditur se ish-Presidentja Kosovës, Atifete Jahjaga, është e vetmja politikane nga Kosova, e cila është pritur nga mbretëresha Elizabeth II e Mbretërisë së Bashkuar, në Oborrin Mbretëror në Buckingham Palace në Londër, me nderimet më të larta dhe me intonimin e himnit kombëtar të Republikës së Kosovës, përcjell albinfo.ch.

Jahjaga tha se për të takimi me mbretëreshën Elizabeth II ishte një nga privilegjet më të mëdha jetësore.

“Për mua, takimi me të, në emër të popullit të Kosovës, ka qenë një nga privilegjet më të mëdha jetësore, të cilin do ta mbaj në memorje përjetë”, shkroi Jahjaga në Facebook.

Gjithashtu Jahjaga u shprehu nugushëllime të sinqerta Familjes Mbretërore, institucioneve dhe qytetarëve britanikë për këtë humbje të madhe.