Pjesa e metalit nga Kullat Binjake, memorial në Pejë

Një pjesë metali nga Kullat Binjake në New York, që u rrënuan në sulmin terrorist të 11 shtatorit të vitit 2001, u vendos sot në qytetin e Pejës.

Një pjesë metali nga Kullat Binjake në New York, që u rrënuan në sulmin terrorist të 11 shtatorit 2001, u vendos sot në qytetin e Pejës.

Ajo pjesë metali që mban histori të trishtë nga 11 shtatori i vitit 2001 u bë pjesë e një monumenti në Pejë në përkujtim të viktimave të atij sulmi, raporton Albinfo.ch.

Monumenti që u zbulua të dielën në një ceremoni të posaçme, është ngritur nga Rotary Club Peja dhe u cilësua si një simbol i miqësisë ndërmjet Kosovës dhe Shteteve të Bashkuara.

Nisma u mbështet nga Ambasada e SHBA-së në Kosovë dhe nga baza ushhtarake “Bondsteel”.

Atasheu ushtarak i Ambasadës amerikan, Darrick Mosley, tha se ky memorial tregon jo vetëm mënyrën se si sulmet e 11 shtatorit vazhdojnë të kumbojnë në gjithë globin, por edhe lidhjen e ngushtë midis SHBA-së dhe Kosovës./Albinfo.ch

---