Kosova vendos sanksione të reja ndaj Rusisë dhe Bjellorusisë

Sot, Kosova, sipas vendimit të Qeverisë, ka vendosur sanksione të reja ndaj Rusisë dhe Bjellorusisë, përcjell albinfo.ch.

Sanksionet i ka paraqitur zv. kryeministri Besnik Bislimi.

“Në vazhdim të kundërshtimit të agresionit rus, në përputhje me sanksionet e BE-së, MPJD propozon për shqyrtim dhe miratimin për pakon e sanksioneve të BE-së ndaj Federatës Ruse, Bjellorusisë, si dhe të gjitha sanksioneve të tjera”.

“Më 3 qershor të këtij viti BE aprovoi pakon e gjashtë të sanksioneve ekonomike. Pakoja e gjashtë e sanksioneve përfshin ndalimin e importit të naftës së papërpunuar, pezullimin e transmetimit në BE për tre mediume të tjera shtetërore ruse, gjithashtu BE miratoi sanksione kundër 65 individëve, përgjegjës për krimet e kryera në Bucha”.

“Në përputhje me vendimin për pakot paraprake, MPJD propozim për shqyrtim dhe miratim të këtij vendimi në vazhdimësi të të gjitha sanksioneve të përcaktuara nga BE-ja drejt Rusisë dhe Bjellorusisë”, ka thënë Bislimi.