Zvicër: Iniciativa për ndihmë për shkollat në disa qytete të Kosovës

pixabay

Bëhet e ditur se një grup të rinjsh vullnetarë në Zvicër kanë ngritur iniciativë të plotësojnë nevojat e arsimit sa u përket aktiviteteve fizike nëpër shkollat periferike të disa qyteteve që kanë nevojë për këto mjete, si; topa, rrjete të fushave volejbolli, futbolli, pingpongu dhe lodra për fëmijët e klasave parafillore, transmeton albinfo.ch.

Në një komunikatë të publikuar në rrjetet sociale “Facebook” ata kanë shkruar:

“Të dashur njerëz vullnetmirë, duam t’ju njoftojmë për projektin e ri në bashkëpunim me disa shkolla në disa fshatra të komunave të ndryshme.

Ky projekt ka për qëllim të plotësojë nevojat e arsimit sa u përket aktiviteteve fizike nëpër shkollat periferike të disa qytetëve që kanë nevojë për këto mjete, si; topa, rrjete të fushave volejbolli, futbolli, pinkpongu, dhe lodra për fëmijët e klasave parafillore.

Në kuadër të këtij projekti qëllimi është që fëmijet tanë të krijojnë një shoqëri më të mirë dhe të shëndoshë në shkolla dhe të qëndrojnë sa më larg nga lojërat digjitale për të jetuar në një realitet të tashëm”, thuhet në njoftimin e tyre.