“Testimi i virgjërisë” pritet të cilësohet vepër penale në Kosovë

Konsiderohet se një gjë e tillë shkel të drejtat themelore të njeriut.

Qeveria e Kosovës në mbledhjen e sotme miratoi ndrhshimet e kodit penal ku kërkimi i një testi virgjërie do të sanksionohet. Kjo pasi konsiderohet se një gjë e tillë shkel të drejtat themelore të njeriut.

“Po ashtu është parashikuar si vepër e re penale ‘testimi i virgjërisë’. Kjo vepër e re sanksionohet sepse konsiderohet se ky është test mjekësor i panevojshëm përmes së cilit shkelen të drejtat themelore njeriut”, thuhet në vendimin e qeverisë së Kosovës.

Përveç kësaj, me kodin e ri të dënuarit për sulm seksual dhe dhunë në familje do të përballen me masa të rënda sipas ndryshimeve të Kodit Penal. Atyre parashikohet t’u ndalohet kandidimi në poste publike në periudhën nga 3-10 vjet në të gjitha nivelet. Gjithashtu, atyre do t’u ndalohet edhe marrja e patentës së shoferit.

 

 

---