Eurodeputeti holandez: I turpshëm kushtëzimi i liberalizimit të vizave për Kosovën

Sot, Thijs Reuten, eurodeputet nga Holanda, ka reaguar ndaj shtetit prej nga vjen dhe shteteve të tjera, për përmendjen e kushteve të reja për liberalizimin e vizave për Kosovën, përcjell albinfo.ch.

Në një postim në Twitter, Reuten ka reaguar për lidhjen e liberalizimit të vizave për qytetarët e Kosovës me funksionalizimin e sistemit ETIAS.

Ai ka thënë se ky është vetëm një arsyetim për shtyrjen e liberalizimit për Kosovën, e cila “i ka plotësuar të gjitha kushtet, pas vitit 2018”.

“Thellësisht i turpëruar nga Qeveria e Holandës dhe katër (qeveri të tjera). Pasi Kosova i ka përmbushur të gjitha kërkesat në vitin 2018, si dhe pas një raporti shtesë jashtëzakonisht pozitiv, me kërkesë të Holandës, ata gjetën një arsyetim të ri për ta shtyrë udhëtimin pa viza për Kosovën”, ka thënë Reuteni.

Deeply ashamed of the Dutch government and four others. After 🇽🇰 fulfilling all requirements in 2018 + an extremely positive additional assessment upon 🇳🇱 request, they found a new excuse to postpone visa free travel for #Kosovo. @RSE_Balkan https://t.co/8D53WaXVQv

— Thijs Reuten 🇪🇺🌹 (@thijsreuten) October 14, 2022