Escobar: Jam këtu për të shprehur mbështetjen e SHBA-së në dialogun e ndërmjetësuar nga BE-ja

I dërguari i SHBA-së për Ballkanin Perëndimor, Gabriel Escobar, është deklaruar për media, ku tha se SHBA-ja shpreh mbështetjen e vazhdueshme për aspirtat e Kosovës, përcjell albinfo.ch.

Escobar tha se është krenar që Kosova po kontribon në agjendën e tyrë të përbashkët, e në veçanti dialogun e ndërmjetësuar nga BE-ja, përcjell Periskopi.

“Qëllimi i vizitës sime është të shikoj për mënyra se si të rritet bashkëpunimi me një aleate shumë, shumë të mirë dhe një partneri të afërt të SHBA-së. Është një miqësi që nuk bazohet vetëm në interesin e përbashkët, por edhe në vlerat e përbashkëta dhe në këtë aspekt, unë do të dëshiroja t’i shpreh Presidentes mbështetjen e vazhdueshme për Kosovën për aspiratat e përbashkëta. Ne po shikojmë për mënyra për të thelluar bashkëpunimin, përfshirë mbështetjen tonë për Kosovën për pjesëmarrje në dialogun e ndërmjetësuar nga BE-ja. Unë jam krenar të pohoj se Kosova ka kontribuar jashtëzakonisht shumë për agjendën tonë të përbashkët dhe ngjarjet e kësaj jave në Kosovë janë tregues të rëndësishëm se si Kosova po kontribuon në mënyrë pozitive për agjenden e përbashkët të demokracisë dhe ju falënderoj juve për mikpritjen e këtij eventi”, tha emisari amerikan në konferencë për media pas takimit me Presidenten e vendit, Vjosa Osmani.